Икътисад 15 сентябрь 2016 13:08

Быел Татарстанда суд приставлары бурычлыларның 83 автомобиленә арест салган

Шулай итеп бурычларын түләмәүчеләрдән барлыгы 2,7 млн сум акча алынган

Скопировать ссылку

(Казан, 15 сентябрь, «Татар-информ»). 2016 елның 8 аенда Татарстан суд приставлары бурычлыларның 83 шәхси автомобиленә арест салган. Шулай итеп бурычларын түләмәүчеләрдән барлыгы 2,7 млн сум акча алынган дип хәбәр итә Россия Суд приставлары федераль хезмәтенең Татарстан буенча идарәсе матбугат хезмәте.

Суд приставлары һәм ЮХИДИ хезмәткәрләре белән бергә эзләүдә булган һәм милекләрен яшергән 183 машина хуҗасын туктаткан.

Хәзер 31 машина бәяләнә, тагын 20 се сатуга тапшырылган.

Ведомство матбугат хезмәтендә белдерүләренчә, еш кына бурычлыларга, арест салынган һәм эвакуаторга куелган машинасын калдырып, җәяү китәргә туры килә икән.

#суд приставлары #арест

Сәхифәләр

Быел Татарстанда суд приставлары бурычлыларның 83 автомобиленә арест салган