Быел Татарстанда 45 фельдшер-акушерлык пункты сафка басачак
Соңгы алты елда Татарстанда 461 ФАП төзелгән.
Скопировать ссылку
(Казан, 30 июль, «Татар-информ», Гөлнар Гарифуллина). 2019 елда Татарстанда 45 фельдшер-акушерлык пункты һәм ун табиб амбулаторие төзеләчәк. Бу хакта Министрлар Кабинетында брифингта журналистларга республиканың сәламәтлек саклау министры Марат Садыйков әйтте.
Ул соңгы алты елда Татарстанда 461 ФАП һәм 23 табиб амбулаторие төзелгәнен билгеләп узды. Соңгы алты елда 1,5 мең тирәсе ФАП, 95 табиб амбулаторие һәм 18 участок хастаханәсе төзекләндерелгән.
Министр кадрлар белән тәэмин ителмәгән 24 ФАПка белгечләр җәлеп ителәчәген әйтте.