Җәмгыять 17 гыйнвар 2017 22:34

Быел Татарстанда 34 процент кеше грипптан вакцинация юлы белән саклана

Прививканы 40 процент кешегә ясау планлаштырылган булган.

Скопировать ссылку

(Казан, 17 гыйнвар, “Татар-информ”, Гөлнар Гарифуллина). Быел Татарстан халкының 34 проценты грипптан прививка ясаткан. Бу хакта Россия Кулланучылар хокукларын яклау һәм кеше иминлеге өлкәсендә күзәтчелек хезмәтенең Татарстан буенча идарәсе җитәкчесе урынбасары Любовь Авдонина хәбәр итте.

“Кызганыч, эпидемия процессы таралуны тоткарлау өчен, планлаштырылган 40 процент күрсәткечкә җитә алмадык. Әмма бу да начар күрсәткеч түгел, шуңа күрә быел эпидемия артык зур булмас дип уйлыйбыз”, - диде ул.

Любовь Авдонина хәзерге вакытта вакцинация инде үткәрелмәвен, чөнки аның файдага түгел, ә зыянга булачагын билгеләп узды. Шул нисбәттән, башка чараларны тулысынча эшкә җигеп, ныклап сакланырга кирәклеген әйтте. Белгеч сүзләренә караганда, ОРВИ һәм грипп белән авыру әле тагын 6-8 атна вакыт дәвам итәргә мөмкин.

#грипп #вакцина #табиб #инфекция

Сәхифәләр

Быел Татарстанда 34 процент кеше грипптан вакцинация юлы белән саклана