Җәмгыять 26 апрель 2010 15:42

Быел Татарстанда 24 хатын-кызда “сөт бизләрендәге яман шеш” табыла

Быелның I кварталында Татарстан Республикасында халыкка бушлай медицина ярдәмен күрсәтү буенча Дәүләт гарантияләре программасын тормышка ашыру кысаларында 147 мең хатын-кыз яман шеш авыруларына ц

Скопировать ссылку

(Казан, 26 апрель, “Татар-информ” Ләйсән Әсәдуллина). Быелның I кварталында Татарстан Республикасында халыкка бушлай медицина ярдәмен күрсәтү буенча Дәүләт гарантияләре программасын тормышка ашыру кысаларында 147 мең хатын-кыз яман шеш авыруларына цитологик скрининг уза. Тикшерү нәтиҗәләре шуны күрсәтә: 2365 хатын-кызда яман шеш авыруы килеп чыгу куркынычы бар. 23 кешегә “аналык муентыгы шеше” дигән диагноз куела. Бу турыда бүген Казанда юан эчәктәге яман шешне кисәтүгә юнәлтелгән акция уңаеннан уздырылган матбугат очрашуында ТР сәламәтлек саклау министры урынбасары Адель Вафин хәбәр итте.
Аның сүзләренә караганда, 2008-2010 елларда сөт бизләрендәге яман шешләрдән үлүчеләр санын киметүгә юнәлтелгән өлкә максатчан программасын гамәлгә ашыру кысаларында, быелның өч ай эчендә 2572 хатын-кыз тикшерелә. 3 кешегә кабат тикшерү узарга киңәш ителә. 126 хатын-кызның сөт бизләрендә яман булмаган шеш табыла. 24 хатын-кызга “сөт бизләре яман шеше” диагнозы куела.

Сәхифәләр

Быел Татарстанда 24 хатын-кызда “сөт бизләрендәге яман шеш” табыла