Җәмгыять 10 сентябрь 2014 15:46

Быел Татарстанда 200дән артык кеше урман юнәлешләре буенча укуны сайлаган

Россия буенча әлеге юнәлештә 6 меңнән артык кеше белем алачак

Скопировать ссылку

(Казан, 10 сентябрь, «Татар-информ»). Татарстанның урман юнәлешләре буенча махсуслашкан уку йортларына 200 дән артык кеше укырга кергән.

ТР Урман хуҗалыгы министрлыгының дәүләт хезмәте һәм кадрлар мәсьәләләре буенча сектор мәгълүматлары шул хакта сөйли.

Мисалга, Любян урман-техник көллиятен мәктәп тәмамлаучыларның 126 сы сайласа, Казан дәүләт университетының урман һәм экология факультетына 95 кеше укырга кергән.

Быел да укырга керүчеләр саны узган елгы дәрәҗәсендә калган, бу уку йортларына кабул итү планы белән бәйле, дип хәбәр итә ведомство.

Россия урман югары уку йортлары һәм техникумнарына барлыгы 6 меңнән артык кеше укырга кергән.

Сәхифәләр

Быел Татарстанда 200дән артык кеше урман юнәлешләре буенча укуны сайлаган