Җәмгыять 7 февраль 2018 20:04

Быел Татарстан Журналистлар берлеге Россия Журналистлар берлеге белән кушылачак

Россия Журналистлар берлеге рәисе Владимир Соловьев Севастопольдә шул хакта белдерде.

Скопировать ссылку

(Казан, 7 февраль, «Татар-информ»). 2018 елда Татарстан Журналистлар берлеге белән Россия Журналистлар берлеге берләшәчәк. Гомумроссия иҗтимагый оешма рәисе Владимир Соловьев бүген Севастопольдә шул хакта белдерде, дип яза ТАСС.

Соловьев сүзләренчә, 2017 елда Россия Журналистлар берлеге съездында Мәскәү, Татарстан һәм Санкт-Петербург Журналистлар берлекләре бер оешмага берләшү процессын башларга әзерлекләрен белдергәннәр.

“Хәзер Мәскәү берлеге белән сөйләшүләр алып барыла. Без эшче төркем оештырырга булдык. Ул дүшәмбе эшен башлады. Быел Россия Журналистлар берлегенең 100 еллыгына бу берләшмәләрне барысын да берләштерү турында игълан итә алырбыз”, - дип билгеләп үтте Соловьев.

#Татарстан Журналистлар берлеге #Владимир Соловьев

Сәхифәләр

Быел Татарстан Журналистлар берлеге Россия Журналистлар берлеге белән кушылачак