Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Быел Татарстан Президенты ярдәме белән дөньяда 234 Сабан туе узган
Быелга бәйрәмнең соңгысы 9 декабрьдә Австралиядә узачак
(Казан, 5 декабрь, «Татар-информ», Аяз Исмәгыйлев). Быел Татарстан Президенты Рөстәм Миңнеханов ярдәме белән 234 Сабан туе узган, шул исәптән 163е - Россиянең 50 субъектында һәм 71е - якын һәм ерак чит илләрдә. Бу саннарны ТР Президенты каршындагы Ватандашлар эшләре буенча координация советы утырышында Татарстан Дәүләт Советы спикеры, Координация советы рәисе Фәрит Мөхәммәтшин хәбәр итте.
Ул билгеләп узганча, быел үткәрелгән бәйрәмнәр саны арткан, чөнки 2013 елда Россия субъектларында 152, ә 22 ерак һәм якын чит илдә 69 Сабан туе гына үткән булган.
"2014 елда Россия төбәкләре һәм чит илләрдә узган Сабан туйларында 1,7 миллион кеше катнашкан", - дип белдерде Фәрит Мөхәммәтшин һәм, быелга бәйрәмнең соңгысы 9 декабрьдә Австралиядә Аделаида шәһәрендә узачак, дип өстәде. Киләсе елда Сабан туе бәйрәмен үткәрү буенча эшләр башланды инде, дип ассызыклады Ф.Мөхәммәтшин. 2015 елда федераль Сабан туе Красноярскида, ә Бөтенроссия авыл Сабан туе Оренбург өлкәсендә узачак.
Кызыклы яңалыкларны күзәтеп бару өчен Телеграм-каналга язылыгыз