Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Быел Татарстан эчке эшләр органнарының 12 хезмәткәре ришвәт алудан баш тарткан
Арада күпчелеге – ЮХИДИ идарәсенекеләр
(Казан, 16 декабрь, «Татар-информ», Миләүшә Низаметдинова). Быел 11 айда Татарстан эчке эшләр органнарының 12 хезмәткәре ришвәт алудан баш тарткан. Аларның күпчелеге, ягъни 8е – ЮХИДИ идарәсе хезмәткәрләре, 2се – участок милиционеры, 2се – икътисади җинаятьләргә каршы көрәш хезмәте хезмәткәре. Арада Спас районы эчке эшләр бүлегенең ЮХИДИ бүлеге хезмәткәренең берсе 2 тапкыр ришвәт акчасын кире каккан. Закон сагында торучылар кулына бирергә дип әзерләнгән сумманың гомуми күләме 124,5 мең сум булып, кире кагылган шул ришвәт акчаларының иң зурысы – 37 мең сум.
ТР буенча Эчке эшләр министрлыгының Үзкуркынычсызлык идарәсе җитәкчесе Рөстәм Вәлиуллов сүзләренчә, бу әле әз, ә элеккеге елларның берсендә ришвәткә дип әзерләнгән җиңел машинага вөҗданын алыштырмаган хезмәткәр бар.
Искәртеп үтәбез: ришвәт алудан баш тарткан барлык хезмәткәрләргә дә, ТР буенча Эчке эшләр министры әмере белән, тәкъдим ителгән кадәр суммада премия бирелә, әмма аның суммасы 100 меңнән арта алмый.
Яңалыкларны күзәтеп бару өчен Макс-каналга язылыгыз