Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Быел Республика клиник хастаханәсен халыкара стандартлар буенча цифрлаштыру көтелә
HIMSS стандартлары нигезендә дәвалау процессы ачык күренәчәк һәм табиб хаталары минимальләштереләчәк.
(Казан, 18 гыйнвар, «Татар-информ», Рифат Каюмов). 2022 ел азагына кадәр Республика клиник хастаханәсен HIMSS халыкара стандартлары буенча цифрлаштыру көтелә.
«Медицина ярдәменең сыйфатын арттыру өчен Республика клиник хастаханәсен HIMSS халыкара стандартлары буенча цифрлаштырырга тотындык. Әлегә илдә бер генә хастаханә әлеге стандартка ия», — диде Татарстанның Дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин ТР Хөкүмәт йортында узган брифингта.
HIMSS сертификатына ия булу кеше факторын минимальләштерүне һәм дәвалауның барлык этапларында пациентның куркынычсызлыгын гарантияләүне аңлата. Мәсәлән, бу система пациентка ярамаган препаратлар яки дарулар бирүне чикли.
Айрат Хәйруллин әлеге проектны Татарстанның сәламәтлек саклау министры Марат Садыйков җитәкчелегендә гамәлгә ашырылуын әйтте.
«Без дәвалау процессының ачык күренүен тәэмин итә алачакбыз. Пациентны дәвалау гамәлләре теркәлгән чын мәгънәсендә электрон медицина картасы барлыкка килә. Иң мөһиме — табиб хаталарын минимальләштерү мөмкинлеге булачак», — Айрат Хәйруллин.
Министр ел азагына хастаханәнең яңа стандарт буенча эшли башлаячагына ышанычын белдерде.
Кызыклы яңалыкларны күзәтеп бару өчен Телеграм-каналга язылыгыз