Икътисад 17 декабрь 2009 12:18

Быел икътисадының реаль секторына кредитлар салуны арттыру буенча максатчан эш дәвам иткән

Кредитлар икътисадның рисклар түбән булган тармакларына гына түгел, проблемалы тармакларына да җәлеп ителгән

Скопировать ссылку

(Казан, 17 декабрь, “Татар-информ”). Кредит оешмалары вәкилләре белдерүенчә, дөньякүләм кризис фонында икътисад үсешендә тискәре факторлар булуга карамастан, агымдагы елда ТР икътисадының реаль секторына кредитлар салуны арттыру буенча максатчан эш дәвам иткән. Анализ күрсәткәнчә, кредитлар икътисадның рисклар түбән булган тармакларына гына түгел, проблемалы тармакларына да җәлеп ителгән. Әлеге мәгълүматлар ТР Арбитраж идарәчеләрнең координация советы утырышында яңгырады. Анда банк вәкилләренең республика икътисадының реаль секторын кредитлау турында мәгълүматы тыңланды.

Координация советы рәисе, икътисад министры Марат Сафиуллин утырышта производство секторындагы проектларны гамәлгә ашыру өчен кирәкле финансларның үтемлелеген тәэмин итү чараларын бер ай эчендә эшләү бурычын куйды.

Арбитраж идарәчеләрнең үз-үзен көйләүче оешмалары белән хезмәттәшлек утырышның көн тәртибенә чыгарылган мәсьәләләрнең берсе иде. Анда шулай ук залогка салынган мөлкәтне реализацияләүгә арбитраж идарәчеләрне җәлеп итү мөмкинлекләре дә каралды. Якын араларда бурычлылар милкен сату буенча электрон мәйдан мөмкинлекләрен файдалану буенча тәкъдимнәр әзерләнәчәк, дип хәбәр итә Икътисад министрлыгының матбугат хезмәте.

Сәхифәләр

Быел икътисадының реаль секторына кредитлар салуны арттыру буенча максатчан эш дәвам иткән