Авыл 18 ноябрь 2018 10:30

Быел Чистайда референдумда катнашучылар саны арткан

Районда үзара салым күләме 100 сумнан алып, 1 мең сумга кадәр тәшкил итә.

Скопировать ссылку

(Чистай, 18 ноябрь, "Татар-информ", "Чистай хәбәрләре"). Чистайда уза торган үзара салым буенча референдумда 21 авыл җирлеге катнашачак. Аларда 12243 кеше тавыш бирүе көтелә. Узган елгы референдумда 9102 кеше тавыш биргән булган. Бу хакта "Чистай хәбәрләре" басмасы хәбәр итә.

Сайлау участоклары 8.00 сәгатьтә ачылган. Районда үзара салым күләме 100 сумнан алып, 1 мең сумга кадәр тәшкил итә.

2017 елда, мисал өчен, Чистай Выселкасы җирлегендә һәр кешедән 300 әр йөз сум җыелган. Барлыгы 300 мең сумнан артык акча тупланган. Республика бюджетыннан 1,2 миллион сумнан артык акча бүлеп бирелгән.

"Үзара салым акчасына без юлларны төзекләндердек, зиратны чистарттык, балалар мәйданчыгын җиһазландырдык", дип белдерде авыл җирлеге башлыгы Владимир Малышев. Аның сүзләренчә, халык бу программа белән үзе дә кызыксына. Эшләрнең башкарылганмы-юкмы икәнен контрольдә тота, ярдәм итәләр.

#референдум #үзара салым

Сәхифәләр

Быел Чистайда референдумда катнашучылар саны арткан