Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Быел Чаллының муниципаль хакимияте шәһәр яны автобуслары эшен көйләү хокукы алды
Автобусларның дача һәм коттедж бистәләренә, бакчачылык җәмгыятьләренә йөрү тәртибен һәм режимын муниципалитет билгеләячәк.
(Чаллы, 2 февраль, "Татар-информ", "Шәһри Чаллы"). Быел Чаллының муниципаль хакимияте шәһәр яны автобуслары эшен көйләү хокукы алды. Автобусларның дача һәм коттедж бистәләренә, бакчачылык җәмгыятьләренә йөрү тәртибен һәм режимын муниципалитет билгеләячәк. Бу турыда шәһәр Башкарма комитетының хуҗалык һәм халыкны тәэмин итү идарәсе башлыгы Рафаил Кыямов хәбәр итте, дип яза җирле басма.
Бүгенге көндә Тукай районы белән маршрутлар кабатланмасын өчен килешүләр алып барыла. Яңа "юл картасы" зарури, чөнки автобуслар торак пунктларга да, бакчачылык җәмгыятьләренә дә йөриячәк, димәк, Тукай районы пассажир ташучылары үзләренең клиентларының бер өлешен югалтырга мөмкин. Бакчачылык җәмгыятьләре исә автобусның тулысынча тулуын тәэмин итә алмый.
Быел ТР Президенты Рөстәм Миңнеханов шәһәр яны маршрутлары өчен 9 миллион сумлык субсидия бирүне хуплады. Моның өстенә ел саен Чаллының шәһәр яны бакчачылык ширкәтләренә кешеләр йөртүчеләргә 15 миллион сумлык субсидия дә бирелә.
Кызыклы яңалыкларны күзәтеп бару өчен Телеграм-каналга язылыгыз