Быел «Балкыш» фестиваленең гала-концерты паркта була
Фестиваль Бөек Ватан сугышында Җиңүнең 75 еллыгына, ТАССРның 100 еллыгына һәм Казанның «Хезмәт батырлыгы шәһәре» исеменә лаек булуына багышлана.
(Казан, 16 август, «Татар-информ»). 20 августта «Крылья Советов» паркында урнашкан мәйданчыкта ветераннар арасында үзешчән башкаручыларның «Балкыш» VI Республика фестиваленең гала-концерты була. Аны Татарстан Республикасының «ВКонтакте»дагы рәсми сәхифәсендә дә карап булачак. Бу турыда Казан мэриясенең матбугат хезмәте хәбәр итте.
Быел фестиваль Бөек Ватан сугышында Җиңүнең 75 еллыгына, ТАССРның 100 еллыгына һәм Казанның «Хезмәт батырлыгы шәһәре» исеменә лаек булуына багышланган, дип хәбәр итә ТР ветераннарының (пенсионерларының) төбәк иҗтимагый оешмасы.
Чара 11.00 сәгатьтә башлана.