Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Быел 1940 еллардан башлап документлар цифрлаштырылачак - Ирада Әюпова
Архив эше буенча дәүләт комитеты җитәкчесе федераль агентлыкка да үтенеч белән мөрәҗәгать итте.
(Казан, 24 гыйнвар, "Татар-информ", Гөлнар Гарифуллина). Документларны архивларда саклау кәгазь эшеннән электрон вариантка күчү тенденцияләрен күздә тота. Татарстанның Юстиция министрлыгы белән берлектә, республиканың норматив-хокукый актларын интеллектуаль-эзләү системасын булдыру буенча эш үткәрелгән. Быел 1940 еллардан башлап документлар цифрлаштырылып, шушы системага кертеләчәк. Бу хакта бүген Татарстанның Архив эше буенча дәүләт комитетының йомгаклау коллегиясе утырышында төп доклад белән чыгыш ясаган Ирада Әюпова белдерде.
Утырышта Татарстан Президенты Рөстәм Миңнеханов, Федераль Архив агентлыгы җитәкчесе Андрей Артизов катнашты.
Комитет җитәкчесе Ирада Әюпова Андрей Артизовка үтенеч белән мөрәҗәгать итеп: "Дәүләт комитеты, республика тарихы буенча документларның цифрлы коллекциясен булдыру өчен, федераль архивлардан документларның күчерелмә нөсхәләрен алуга өметләнә", - дип белдерде.
Ирада Әюпова 2016 елда Бердәм архив мәгълүмати системасы гамәлгә кертелгәнен билгеләп узды. Бүген аңа 3 дәүләт, 41 муниципаль архив тоташтырылган. Система архивларның фәнни-белешмә аппаратына, каталогларга виртуаль кереп булуны күздә тота. Хәзерге вакытта системага 1 млн нан артык эш исеме кертелгән. Система үсешендә чираттагы этап булып, аңа комплектлау өчен чыганакларны кертү, шулай ук цифрлы контент, ягъни документлар белән максималь тулыландыру тора.
Кызыклы яңалыкларны күзәтеп бару өчен Телеграм-каналга язылыгыз