Татарстан сөт җитештерүчеләргә ярдәм итү өчен 2 млрд сумлап акча юллады

(Казан, 28 апрель, “Татар-информ”). Татарстан Республикасы сөт җитештерүчеләргә ярдәм итү өчен 1,8 млрд сумнан артык акча юллаган. Бу хакта Татарстан авыл хуҗалыгы һәм азык-төлек министрлыгы матбугат хезмәте хәбәр итә.

Татарстан 346 млн дәүләт ярдәме акчасын шәхси хуҗалыкларга бирде. 1,5 млрд сумны крестья-фермер хуҗалыклары алды.

Татарстан Президенты Рөстәм Миңнеханов сөт җитештерү чыгымнарының бер өлешенә субсидия бирүне дәвам итү карарын кабул итте һәм бу максатка 800 млн сум акча юнәлтте.

Татарстан сөт җитештерү буенча Россиядә алдынгылыкны саклый.