Икътисад 27 июнь 2021 11:34

Россиядә пенсия һәм социаль түләүләр алу тәртибе үзгәрә

Бу яңалык түләүләрне саклык кенәгәсенә, номиналь счетка яки почта белән китертүчеләргә, шулай ук читтә даими яшәүче Россия пенсиясен алучыларга кагылмый.

Скопировать ссылку

(Казан, 27 июнь, «Татар-информ»). 1 июльдән пенсия, ана капиталы акчаларыннан айлык һәм башка социаль түләүләр «Мир» түләү системасы картасы аша гына мөмкин була. Ә банк картасыннан кулланырга теләмәгән яки файдалана алмый торган кешеләр өчен акчалата алу яки банк картасына тоташмаган гади банк счетына күчерү мөмкинлеге сакланачак.

Мондый таләп халыкара түләү системалары карталарына акча алучыларга гына кагыла, дип хәбәр итә РИА Новости.

Бу яңалык түләүләрне саклык кенәгәсенә, номиналь счетка яки почта белән китертүчеләргә, шулай ук читтә даими яшәүче Россия пенсиясен алучыларга кагылмый. Алар өчен 1 июльдән берни дә үзгәрмәячәк, пенсия һәм социаль түләүләр элеккеге схема буенча китереләчәк.

Сәхифәләр

Россиядә пенсия һәм социаль түләүләр алу тәртибе үзгәрә