"Электроприбор"да ике төрле таба җитештергәннәр

"Электроприбор"да ике төрле таба җитештергәннәр

(Казан, 26 гыйнвар, "Татар-информ", Ирина Игнатьева). "Электроприбор" заводында ике төпле таба үзләштергәннәр. Эшләнмә берьюлы ике ризык пешерүгә җайлаштырылган. Табаның бер ягы икенчесе өчен капкач булып тора. Яңа төр таба сыйфатлы материал - тефлон белән капланган. Шулай итеп, бәрәңге, макарон кыздырган вакытта көймәячәк.

Беренче йөз таба шәһәрнең сәүдә үзәгенә, шулай ук предприятиенең фирма кибетләренә җибәрелгән. Сатып алучылар яңа табаны кызыксыну белән ала. Киләчәктә җитештерүчеләр мондый табаларны зур булмаган партиядә чыгарырга планлаштыра. Берничә айдан предприятиегә заказ бирә башларга мөмкиннәр.