Дәүләт Думасы минималь хезмәт хакын 13 890 сумга кадәр арттыруны хуплады

(Казан, 24 ноябрь, «Татар-информ»). Дәүләт Думасы минималь хезмәт хакын 13 890 сумга кадәр арттыру турында закон проектын өченче укылышта кабул итте.

Әлеге закон 2022 елның 1 гыйнварыннан гамәлгә керәчәк, дип яза РИА Новости.

26 октябрьдә Россия Хөкүмәте беренче укылышта хуплаган закон минималь хезмәт хакы күләмен 13 617 сум итеп билгеләүне күздә тота иде.

Соңрак Россия Президенты Владимир Путин әлеге сумманы 13 890 сумга арттырырга тәкъдим итте.

Агымдагы елда минималь хезмәт хакы 12 792 сумны тәшкил итә. 2020 елдан башлап сумма ил буенча медианалы хезмәт хакы нигезендә исәпләнә.

Алдарак «Татар-информ» Дәүләт Думасының яшәү минимумын арттыру турында төзәтмәләрен икенче укылышта кабул итүен язган иде.