Икътисад 24 октябрь 2021 12:09

Белгеч: Ноябрьдән кайбер категориягә керүче гражданнарның пенсияләрен арттыралар

Шулай итеп, октябрь аенда үзенең 80 яшьлеген бәйрәм итүчеләр өчен картлык буенча пенсиянең иминият өлеше күләме 12 088,96 сум тәшкил итәчәк.

Скопировать ссылку

(Казан, 24 октябрь, «Татар-информ»). Россия Халыклар дуслыгы университетының икътисад факультеты деканы урынбасары Елена Григорьева 1 ноябрьдә кайбер категориягә керүче гражданнарның пенсияләрен арттырулары турында сөйләде.

Белгеч сүзләренчә, эшләүче пенсионерларның пенсиясе индексацияләнми, әмма алар июльдә эштән киткән булсалар, 3 ай узгач (ягъни ноябрьдә) картлык буенча иминият түләүләре турында хәбәр ителәчәк, алар эшләгән вакытта югалткан барлык индексацияләр дә кертеләчәк.

Әгәр эштән агымдагы елның июленнән соң чыксалар, якындагы айларда шундый исәп-хисап булачак.

Шулай ук элеккеге очучыларның һәм шахтерларның да пенсияләре артачак. Аларның пенсияләре өч айга бер тапкыр индексацияләнәчәк һәм чираттагы шундый срок нәкъ менә ноябрьгә туры килә, дип өстәде Елена Григорьева.

Сәхифәләр

Белгеч: Ноябрьдән кайбер категориягә керүче гражданнарның пенсияләрен арттыралар