Татарстандагы иң зур KazanMall сәүдә үзәгенең кайчан ачылачагы билгеле булды
Проект нигезендә, биш катлы бинада ял зонасы, кафе, кибетләр, кинотеатр һәм паркинг каралган.
(Казан, 20 октябрь, «Татар-информ»). Татарстан башкаласының Павлюхин урамында урнашкан KazanMall сәүдә үзәге декабрь аенда ачылачак. Бу хакта «Татар-информ» агентлыгына UD Group компаниясе матбугат хезмәтендә белдерделәр.
«Сәүдә үзәге рәсми төстә декабрьдә ачылачак, әмма ул инде ноябрьдә үк техник рәвештә үз ишекләрен ачарга мөмкин», - дип искәрттеләр матбугат хезмәтендә.
«Татар-информ» агентлыгы элегрәк KazanMall сәүдә үзәгенең проект документларының тәңгәллеге турында бәяләмә алуы хакында хәбәр иткән иде. Татарстандагы иң зур сәүдә үзәге турында тулырак язманы sntat.ru сайтында укыгыз.