news_header_top
Руc Тат
16+
news_header_bot
news_top
Икътисад 16 апрель 2015 13:40

РФ Президенты: “Импортка каршы көрәшергә түгел, үзебезнең авыл хуҗалыгы җитештерүчесенә ярдәм итәргә кирәк”

Илбашы эмбаргога эләккән импорт товарларның кибет киштәләрендә урын алу мөмкинлеген инкарь итмәде

Скопировать ссылку

(Казан, 16 апрель, “Татар-информ”, Гөлнар Гарифуллина). Россия кибетләре киштәләренә эмбаргога эләккән товарлар килеп урнашуын дәвам итә. Моңа кагылышлы сорау бүген Россия Президенты Владимир Путин белән турыдан-туры элемтә барышында бирелде.

“Ни өчен импортны алмаштыру турында шаукым кузгаттыгыз да, чынлыкта исә, импорттан товарлар агымына юл куйдыгыз. Эмбаргога карамастан, без Польшадан кергән алма һәм кәбестәне ашавыбызны дәвам итәбез, алар киштәләрдән юкка чыкмады, ә бәяләре, киресенчә, артты. Алдануыбыз бик гарьләндерә. Аларны шундук таныйбыз, алар я этикеткасыз, я башка ил этикеткасы белән шул ук әрҗәләрдә китерелә”, - дип сорадылар Илбашыннан. Владимир Путин Россиягә кертү чикләнгән товарларны үткәргән таможня хезмәткәрләрен тәнкыйтьләде. “Чыннан да, моның булуы бик мөмкин. Бу үз бурычларыңа җавапсыз карау күренеше. Иң мөһиме - чит ил товарларын кертергә омтылышларга каршы көрәшергә түгел, ә үзебезнең авыл хуҗалыгы үсешенә ярдәм итү һәм, шул рәвешле, чит ил товарларын киштәләрдән кысрыклап чыгару”, - дип, Президент үзебездә җитештерлгән товарларның базарда лаеклы урын алырга тиешлегенә басым ясады.

Илбашы чит илләрдән кертелгән товарлардан һәм эмбаргога эләккән товарлардан баш тартып, Россия халкына авыл хуҗалыгы җитештерүчәнлегенә теләктәшлек күрсәтергә өндәде.
 

news_right_1
news_right_2
news_bot