Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
3 -7 яшьлек балаларга түләүләр турындагы проектка кертелгән үзгәрешләр хупланды
Айлык пособиеләрне арттыру өчен якынча 95 миллиард сум акча кирәк булачак, дип искәрттеләр РФ Хөкүмәтендә.
(Казан, 11 октябрь, «Татар-информ»). Хөкүмәт 3 яшьтән 7 яшькә кадәрге балаларга айлык пособие түләү турындагы проектка кертелгән үзгәрешләрне хуплады. Бу хакта РИА Новости агентлыгы хәбәр итә.
Элегрәк РФ Хезмәт һәм социаль яклау министрлыгы мондый түләүләргә дифференциация кертергә тәкъдим иткән иде. Пособиеләрнең күләмен гаиләнең кеременә бәйле рәвештә билгеләү күздә тотылды, «чөнки элекке күләмдәге түләүләрдән соң барлык гаиләләр өчен дә җан башына туры килгән уртача керем яшәү минимумына җитте», дип искәрттеләр агентлыкта.
Министрлык мәгълүматлары буенча, айлык пособиеләрне арттыру өчен якынча 95 миллиард сум акча кирәк булачак. Проект тарафыннан инде быел ук шундый пособиеләр белән тәэмин итү күздә тотыла.
Аз керемле гаиләләр өчен 3 яшьтән 7 яшькә кадәрге балаларга пособие 2020 елның июнь аенда түләнә башлады. Ил буенча түләүләрнең уртача күләме, төбәктә билгеләнгән баланың яшәү минимумы күләменә бәйле рәвештә, 5,5 мең сум чамасы тәшкил итә.
Кызыклы яңалыкларны күзәтеп бару өчен Телеграм-каналга язылыгыз