Казанда япон чәчтарашханәләре челтәре эшли башлый

Чәчтарашлар экспресс-форматта эшли, анда чәч кисүгә 15 минутлап вакыт китә.

(Казан, 11 июль, "Татар-информ"). Казанда япон экспресс- чәчтарашханәләре эконом-сегмент челтәре эшли башлый, дип хәбәр итә “РБК-Татарстан”.
Беренче “Чио Чи” чәчтарашханәсе 2017 елның апрелендә ачылган, ә озакламый аның икечесе эшләп китәчәк. Барлык чәчтарашханәләр экспресс-чәч кисү режимында эшли. Чәч кистергән өчен барысына да бер бәя - 200 сум куелган, чәч кисүгә исә бары 15 минут вакыт китә.

“Модель кыска вакыт эчендә кыйммәт булмаган хезмәт күрсәтү урыннары ачу һәм кеше күп булудын акча эшләү һәм экономия мөмкинлеген бирә. Алар зур булмаган мәйданнарда урнашып эшли. Күп кенә эшләр – җыештыру, җиһазларны эшкәртү автоматлаштырылган”, - дип җиткерә әлеге бизнеска нигез салучы Илназ Нәбиуллин.