Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда медицина персоналына хезмәт хакы 15 апрельгә кадәр тулысынча түләнәчәк
Закон буенча март өчен билгеләнгән хезмәт хакы түләү вакыты 15 апрельдә тәмамлана, дип аңлаттылар Татарстан Сәламәтлек саклау министрлыгында.
(Казан, 11 апрель, «Татар-информ»). Татарстанның медицина персоналына хезмәт хакы 15 апрельгә кадәр тулысынча түләнәчәк. Бу хакта Татарстан сәламәтлек саклау министры урынбасары Айрат Гарипов хәбәр итте.
Алдагы көндә медицина хезмәткәрләренең бер өлеше март аенда хезмәт хакын тулысынча алмаган дигән мәгълүмат чыкты.
Закон буенча март өчен билгеләнгән хезмәт хакы түләү вакыты 15 апрельдә тәмамлана, ул вакытка кадәр түләүләр тулы күләмдә башкарылачак, дип аңлаттылар Татарстан Сәламәтлек саклау министрлыгында.
«Мәсьәлә Татарстан Сәламәтлек саклау министрлыгы һәм Татарстан Финанслар министрлыгы җитәкчелегенең контролендә тора. Түләүләр якындагы дүшәмбе-сишәмбе көннәренә билгеләнгән», — дип ачыклык кертте Айрат Гарипов.
Татарстан сәламәтлек саклау министры урынбасары мәгълүматы буенча, барлык акчалар да медицина оешмалары хезмәткәрләренә тулы күләмдә түләнәчәк.
Кызыклы яңалыкларны күзәтеп бару өчен Телеграм-каналга язылыгыз