Түбән Камалылар – Россия Хөкүмәте премиясе лауреатлары

(Чаллы, 11 март, “Татар-информ”, Илисә Ганиева). “Түбән Кама Нефть химиясе комбинаты” ААҖ генераль директоры Владимир Бусыгин һәм бутилкаучук заводы директоры Равил Шияпов Россия Хөкүмәтенең фән һәм техника өлкәсендәге премиясе лауреатлары булды. Әлеге югары бүләкне алар турбулентлык режимында югары тизлектәге химик процессларда яңа технологияләр кертү һәм сәнәгатьтә кулланган өчен алды.

Ел саен Россия Хөкүмәте производствода яңа технологияләр кулланган, фәнни-техник эшләнмәләрне практикада тормышка ашыру, техника һәм технологияләрдә яңа юнәлешләр ачкан өчен фән һәм техника өлкәсендә 40 премия тапшыра.