“Татар-информ” сайтында – Халыкара инвестиция конференциясен трансляцияләү

(Казан, 10 июнь, “Татар-информ”, Сергей Семеркин). Бүген Казанда Ислам үсеш банкы ярдәмендә уза торган Халыкара инвестиция конференциясе ачыла.
Конференциянең ачылышы һәм пленар утырышның турыдан-туры трансляциясен “Татар-информ” мәгълүмат агентлыгы сайтында 9.00дә күрергә була.
Халыкара инвестиция конференциясе Татарстан Республикасы һәм Ислам үсеш банкы арасында үзара килешү турындагы Мемарандумны гамәлгә ашыру өчен уздырыла. Әлеге конференция кысаларында үтәлергә тиешле бурычларның берсе - Россияне ислам дөньясы белән якынайту.
Халыкара инвестиция конференциясе барышында Татарстан үзенең икътисади потенциалын һәм машина төзелеше, нефть табу һәм нефть химиясе, шулай ук сәламәтлек саклау, торак комплекслар төзү һәм юл инфраструктурасы өлкәләрендәге кайбер инвестиция проектларын тәкъдим итәчәк.
Конференциядә дөнья банклары (Согуд Гарәбстаны, Берләшкән Гарәп Әмирлекләре һәм башкалар) вәкилләре, мөселман дәүләтләре бизнес-берләшмәләре, шулай ук гарәп илләре илчелекләре вәкилләре катнашачак.