Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Үзбәкстанда «Спутник V» вакцинасы җитештерелә башлады
Үзбәкстан һәм Россиянең әйдәп баручы предприятиеләре, банклары катнашындагы яңа проектларны да кертеп, үзара сәүдә күләме һәм сәнәгать кооперациясенең масштаблары тотрыклы рәвештә үсә.
(Казан, 7 октябрь, «Татар-информ»). Үзбәкстанда Россия белән бергәләп коронавирус инфекциясенә каршы «Спутник V» вакцинасын җитештерә башладылар. Бу хакта РИА Новости агентлыгы Үзбәкстан Президенты Шәүкәт Мирзияевның матбугат хезмәтенә сылтама белән хәбәр итә.
Матбугат хезмәте мәгълүматлары буенча, Мирзияев 7 октябрьдә Россия Президенты Владимир Путин белән телефоннан сөйләшкән. Әңгәмәнең башында Үзбәкстан башлыгы Россия лидерын туган көне белән котлаган, аңа ныклы сәламәтлек, иминлек һәм зур уңышлар, ә Россия халкына исә тынычлык һәм алга таба чәчәк атуын теләгән.
«Барлык юнәлешләр буенча да хезмәттәшлекнең динамик рәвештә үсеш кичерүе билгеләп үтелде. Үзбәкстан һәм Россиянең әйдәп баручы предприятиеләре, банклары катнашындагы яңа проектларны да кертеп, үзара сәүдә күләме һәм сәнәгать кооперациясенең масштаблары тотрыклы рәвештә үсә. Россия белән бергәләп «Спутник V» вакцинасы җитештерелә башлады», диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз