Икътисад 7 май 2009 18:23

Яшелчә һәм җиләк-җимеш бәясе үсеше дәвам итә

Узган атнада кәбестә һәм кишердә бәяләр үзгәреше 3,8-3,9 процентка җиткән

Скопировать ссылку

(Казан, 7 май, “Татар-информ”). Дәүләт статистикасы федераль хезмәтенең ТР идарәсе 27 апрельдән 4 майга кадәрге чорда Казанның кулланучылар базарында бәяләр үзгәрешен хәбәр итте. Аннан күренгәнчә, соңгы атнада катырылган балык -2,2, көнбагыш мае -1,2, каты сырлар -1,4, беренче сортлы бодай оныннан пешерелгән ипи -1,2, бодай оны һәм йомырка - 0,5-0,7 процентка очсызланган. Пастеризацияләнгән сөт, атланмай, тары ярмасы, шикәр комы һәм ярымысланган казылык бәясе 0,1-0,3 процент тирәсе генә булса да, кими төшкән.

Ә менә яшелчә һәм җиләк-җимеш бәясе үсүен дәвам итә. Узган атнада кәбестә һәм кишердә бәяләр үзгәреше 3,8-3,9 процентка җиткән. Алма һәм башлы суган өчен 2,4-2,9 процентка күбрәк түләргә туры килгән. Шулай ук сыер итенең (0,8процентка) һәм дөге ярмасының (0,2 процент) берникадәр кыйммәтләнә башлавы күренә.

Сәхифәләр

Яшелчә һәм җиләк-җимеш бәясе үсеше дәвам итә