Россия икътисадының быелгы үсеше кимендә 2 процент булыр дип фаразлана

(Казан, 6 октябрь, «Татар-информ», Лилия Локманова). «Белгечләр фикеренчә, дөнья икътисадында акрынлап циклик күтәрелеш сизелә. Халыкара валюта фонды агымдагы елда дөнья икътисады үсешен 103,5 процент, 2018 елда 103,6 процент дип фаразлый. Тышкы санкцияләр тәэсир итүенә дә карамастан, Россия икътисады үсеш кичерә», - диде бүген Татарстан Дәүләт Советының Мәгариф, мәдәният, фән һәм милли мәсьәләләр комитеты утырышында республика икътисад министры урынбасары Олег Пелевин.

Аның сүзләренчә, Россия икътисадының үсеше кимендә 2 процент тәшкил итәчәк. 2016 елда бу күрсәткечнең 0,2 процентка кимүе күзәтелгән.