Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Машина йөртүчеләрнең кайсы техник карауның гамәлдә булуын озайта алуын аңлаттылар
Техник карауны 1 февральдән 30 сентябрьгә кадәр үтәргә тиеш булган машина йөртүчеләр аны үтү вакытын ярты елга озайтырга мөмкин.
(Казан, 5 март, «Татар-информ», Гүзәл Хөсәенова). ТР Транспорт һәм юл хуҗалыгы министрлыгында машина йөртүчеләрнең кайсысы техник карауның гамәлдә булуын озайтырга мөмкин икәнлеген аңлаттылар. «Татар-информ» мәгълүмат агентлыгында узган матбугат конференциясендә ТР Транспорт һәм юл хуҗалыгы министры урынбасары Андрей Егоров шул хакта сөйләде.
Техник карауны 1 февральдән 30 сентябрьгә кадәр үтәргә тиеш булган машина йөртүчеләр аны үтү вакытын ярты елга озайтырга мөмкин. Әлеге чараны 1 февральгә кадәр үтәргә тиеш булган транспорт чаралары хуҗалары яңа кагыйдәләр буенча техник карау узарга тиеш булачак.
«Диагностик картаның булуы һәм гамәлдә булу вакыты турындагы мәгълүматны 1 марттан Дәүләт автоинспекциясе сайтында алырга мөмкин. Боларның барысы да ачык — һәр машина йөртүче аның бераз кичектерелү мөмкинлеге бармы икәнен карый ала», - дип аңлатты Андрей Егоров.
Техник карау үтү бәясе үзгәрмәячәк. Җиңел машиналар өчен бәя 350 сумнан 450 сумга кадәр, йөк автомобильләре өчен 5 тоннага кадәр — 400 сумнан 500 сумга кадәр, 5 тоннадан артык булганда 450 сумнан 650 сумга кадәр була.
Кызыклы яңалыкларны күзәтеп бару өчен Телеграм-каналга язылыгыз