Агросәнәгатьне үстерү өчен төбәкләргә тагын 2,2 миллиард сум акча биреләчәк

Быел агросәнәгать комплексына ярдәм һәм яңа объектлар булдыру өчен өстәмә рәвештә 2,2 миллиард сум акча юнәлтелә.

(Казан, 4 октябрь, "Татар-информ"). Быел агросәнәгать комплексына ярдәмкүрсәтү максатыннан һәм яңа объектлар булдыру өчен өстәмә рәвештә 2,2 миллиард сум акча юнәлтелә. Бу акчалар авыл хуҗалыгын үстерү һәм 2013-2020 елларга авыл хуҗалыгы чималы, продукциясе базарын көйләп тору дәүләт программалары кысаларында каралган. Бу хакта Министрлар Кабинеты сайтында билгеләп үтелә, дип хәбәр итә “Российская газета”.

Агымдагы ел башында Россия Хөкүмәте рәисе Дмитрий Медведев тарафыннан 38 төбәк арасында 10 миллиард субсидия бүлү турында карар имзаланган.иде. Бу акчалар агросәнәгать комплекслары төзү һәм модернизацияләүгә ярдәм итү, шулай ук техника һәм җиһазлар алуга тотылырга тиеш.

Өстәмә акчалар шулай ук Федерация субъектлары арасында бүленәчәк.