Икътисад 2 август 2020 16:43

Россия кибетләрендә иң популяр товарлар исемлеге билгеле булды

Кибетләрдә банан, бәрәңге һәм шикәр комына ихтыяҗ зур булган.

Скопировать ссылку

(Казан, 2 август, «Татар-информ»). Быелның беренче җиде аенда «Магнит» һәм «Пятерочка» кибетләрендә банан, бәрәңге һәм шикәр комы иң популяр товарлар булды. Бу хакта «ЧекСкан Research» аналитик бүлекчәсенә сылтама белән РБК хәбәр итә.

Аналитиклар бу кибетләрдә сатып алучыларның 2,5 миллион чекы мәгълүматларын тикшергәннәр һәм бу продуктлардан пакет кына популяррак булуын ачыклаганнар.

Белгечләр искәрмә очраклары да булуын билгеләп үтә. Шулай итеп, Төньяк-Көнбатыш федераль округта «Магнит» кибетендә ешрак киселгән батон сатып алганнар, ә Төньяк Кавказ федераль округында иң күп сатып алынган товарларның берсе майонез булган.

Кибетләрдә уртача бәяле чек ел башыннан арткан, ә зур суммадагы чек ул апрельдә — «Магнит» та 550 сумга һәм «Пятерочка» да 576 сумга җиткән. Июльгә, киресенчә, чекларда сумма кимегән һәм 500 — 533 сум булган.

Проектка нигез салучы Владислав Вернигор сүзләренчә, алдынгы азык-төлек ретейлерлары үзләрен яхшы хис итә. Аның сүзләренчә, сәүдә нокталары үзизоляция режимы вакытында ябылмаган, ә иң популяр продуктлар беренчел ихтыяҗ булган товарлар булган.

Сәхифәләр

Россия кибетләрендә иң популяр товарлар исемлеге билгеле булды