Татарстан Арбитраж суды “Адонис”ка карата банкротлык эшен башлады

Предприятиенең 1 млн бурычы, процентлары сыйфатында плюс тагын 21 мең һәм 23 мең дәүләт пошлинасы чыгымнары бар.

(Казан, 1 ноябрь, "Татар-информ"). Татарстан Арбитраж суды “Тензор” җәмгыяте дәгъвасы буенча “Адонис”ка карата банкротлык эшен башлады. Бу хакта корпоратив мәгълүматларны ачу сайтында хәбәр ителә.

Вакытлы идарәче итеп, “Арбитраж идарәчеләре гильдиясе” әгъзасы Виктор Машанов билгеләнгән.

Кредиторлар таләпләре өченче чираты составына “Тензор” җәмгыяте инде кертелгән. Предприятиенең 1 млн бурычы исәпләнә,  шуңа өстәмә 21 мең сум күләмендә процентлар һәм 23 мең сум дәүләт пошлинасы чыгымнары бар.

“Адонис”ны банкрот итеп тану эше буенча суд утырышы киләсе елның 26 февраленә билгеләнгән.