Икътисад 1 июнь 2020 12:30

Азат Бикмурзин «Татнефть» нефть-газ химиясе комплексына җитәкче итеп билгеләнде

Яңа җитәкче алдына нефть, газ, химия куәтләрен булдыру буенча компания проектларын гамәлгә ашыруны тизләтү бурычы куелган.

Скопировать ссылку

(Казан, 1 июнь, «Татар-информ»). «Түбән Кама Нефтехим»ның элеккеге башлыгы Азат Бикмурзин «Татнефть» нефть-газ химиясе комплексы директоры итеп билгеләнде. Бу хакта нефть компаниясенең матбугат хезмәте хәбәр итә.

Азат Шәүкәт улы -Татарстанның нефть, газ, химия комплексы системасында күп еллар хезмәт куйган югары дәрәҗәдәге профессионал. Без мондый белгечне командабызда сәламләвебезгә шатбыз һәм аның тәҗрибәсе һәм компетенцияләре безнең компаниянең нефть, газ, химия комплексы үсешенә яңа импульс бирәчәгенә ышанабыз. Компания генераль директоры Наил Маганов Азат Бикмурзинның билгеләнүен шулай шәрехләде.

Азат Бикмурзин сүзләренчә, ул «Татнефть» директорлар советы рәисе Рөстәм Миңнехановның һәм генераль директор Наил Магановның нефть компаниясе җитәкчеләре командасына кушылу тәкъдимен хуплап кабул иткән.

#"Татнефть"

Сәхифәләр

Азат Бикмурзин «Татнефть» нефть-газ химиясе комплексына җитәкче итеп билгеләнде