Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бурятиядә Улан-Удэ-Казан беренче туры авиарейсын каршы алдылар
Бүген, 4 майда, Россия халыклары Ассамблеясе һәм Бурятия татарлары автономиясе Улан-Удэ-Казан беренче туры авиарейсын каршы алды. «Бурятия белән Татарстан арасында һава күпере ачык!» – дип хәбәр итәләр бу хакта Бөтендөнья татар конгрессы сайтында.
Рейслар атнага ике тапкыр сишәмбе һәм шимбә көннәрендә йөри. Юлга 5-5,5 сәгать вакыт сарыф ителә. Билетларны ташламалы тариф буенча сатып алырга мөмкин, бәясе ике якка якынча 17 мең сум.
Кешеләрне, территорияләрне һәм халыкларны берләштерүче инициативабызны актив рәвештә алга сөргәннәре өчен Бурятия башлыгы Алексей Цыденовка һәм Татарстан Рәисе Рөстәм Миңнехановка, Бурятия Республикасы Транспорт министрлыгына һәм шәхсән Дмитрий Гармаевка рәхмәт белдерәбез, диелгән хәбәрдә.
Бүген Бурятия татарлары автономиясе активистлары Казаннан килгән һәркемне иң тәмле татар сые – кедр чикләвеге салынган Байкал чәк-чәге белән сыйлады. «Тормышыгыз баллы, юлларыгыз ак булсын!» дип теләкләр дә теләделәр.
Кызыклы яңалыкларны күзәтеп бару өчен Телеграм-каналга язылыгыз