Буран аркасында Казанга очучы самолетлар запас аэродромнарга китәргә мәҗбүр
Скопировать ссылку
Бүген Казанга очучы самолетлар запас аэродромнарга төшеп утырырга мәҗбүр булды. Бу хакта «Татар-информ»га Казан халыкара аэропорты матбугат хезмәтендә хәбәр иттеләр.
«Уңайсыз метеошартлар аркасында, Шри-Ланка, Новокузнецк, Мәскәү һәм Ташкенттан очучы һава суднолары Самара, Уфа, Мәскәү (Шереметьево) һәм Түбән Новгородка запас аэродромнарга китте», – дип аңлаттылар матбугат хезмәтендә.