Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Бүген «Телсез күке» фильмы Татарстан прокатына чыга
Бүген - 10 апрельдән - Татарстанда Зөлфәт Хәким пьесасы буенча төшерелгән «Телсез күке» фильмы киң прокатка чыга. «Фильм кукмара, Балтач, Әлки, Питрәч, Чүпрәле, Чистай, Саба районнарында, шулай ук, Алабуга, Түбән Кама, Болгар, Лаеш, Азнакай, Баулы, Буа шәһәрләрендә, Яңа Чишмәдә, Чирмешәндә, Ютазыда һәм Балык Бистәсендә күрсәтеләчәк», дип хәбәр итә «Татаркино»ның матбугат үзәге.
Казанда фильмны «Мир» кинотеатрында карап булачак.
«Фильмны дистирбьюторлар аша Россия буенча күрсәтү планлаштырыла. Инглиз, төрек, гарәп телләренә тәрҗемә эшләнгәч, чит илләрдә күрсәтү дә күзаллана. Финляндиядә яшәүче татарлар да карый алачак. Шулай ук фильмның режиссеры Рәүф Кубаевның туган җирендә – Ташкентта күрсәтү дә планлаштырыла», диелгән оештыручылар хәбәрендә.
«Телсез күке» фильмы федераль акчаларга төшерелгән. «Алтын мөнбәр» кинофестивалендә Татарстан Рәисенең «Кино сәнгатендә гуманизм өчен» махсус призына ия булды.
Фильмда актерлар Инсаф Нәҗипов, Эльдар Гатауллин һәм җырчы Сәйдә Мөхәммәтҗанова, шулай ук, Зөлфәт Хәким үзе төште.
Кызыклы яңалыкларны күзәтеп бару өчен Телеграм-каналга язылыгыз