news_header_top_970_100
16+
news_header_bot_970_100

Бүген Татарстанда карлы яңгыр көтелә

Бүген Татарстанда карлы яңгыр көтелә
Фото: © "Татар-информ", Владимир Васильев

Җомга, 7 мартта, Татарстанда урыны белән карлы яңгыр ява. Республиканың кайбер урыннарында явым-төшем уртача була. Бу ТР Гидрометеорология үзәге фаразыннан билгеле булды.

Иртән республикада шулай ук томан көтелә.

Җил көньяктан, көньяк-көнчыгыштан, ә аннары төньяк-көнбатыштан исәчәк, дип фаразлый синоптиклар. Аның тизлеге секундына 5-10 метрны тәшкил итәчәк. Көндез урыны белән секундына 14 метрга кадәр көчәячәк.

Көндезге сәгатьләрдә республикада һава температурасы -2..+3 градус була.

Синоптиклар шулай ук татарстанлыларны республикада юлларда бозлавык һәм кар боткасы булу турында кисәтте.

Исегезгә төшерик, Татарстанда 7 мартта кыскартылган эш көне була.

autoscroll_news_right_240_400_1
autoscroll_news_right_240_400_2
news_bot_970_100