Бүген Татарстанда бераз җылыта, кар явачак
Скопировать ссылку
Бүген, 29 ноябрьдә, атмосфера фронты тәэсирендә Татарстанда һава торышы тотрыксыз төс ала. Температура фоны бераз күтәреләчәк, дип хәбәр итә ТР Гидрометеорология үзәге.
Республикада аязучан болытлы һава көтелә. Иртән һәм көндез урыны белән төбәк буенча, Казанны да кертеп, кар явуы көтелә.
Моннан тыш, кайбер урыннарда, шул исәптән ТР башкаласында, яңадан томан төшәчәк. Кайбер урыннарда юлларда бозлавык барлыкка килә.
Татарстанда көндезге сәгатьләрдә температура -4...+ 1 градуска кадәр (Казанда — 0... -2 градуска кадәр) тәшкил итәчәк.