Бүген Татарстанда бераз кар һәм бозлавык көтелә
Скопировать ссылку
Татарстанда бүген болытлы һава көтелә, бераз кар явачак. Бу хакта ТР Гидрометеорология үзәге хәбәр итә.
Җил көнбатыштан һәм төньяк-көнбатыштан исә, аның тизлеге секундына 5-10 метр тәшкил итәчәк. Төнлә һава температурасы -7...-12 градуска кадәр төшәчәк, көндез термометр баганалары -4...-9 градус салкын күрсәтәчәк.
Республика юлларында бозлавык саклана. Машина йөртүчеләргә һәм җәяүлеләргә сак булырга киңәш ителә.