Бүген Татарстанда +7 градуска кадәр җылы була, яңгыр явуы ихтимал

Скопировать ссылку

Бүген Татарстанда аномаль җылы һава торышы сакланачак. Бу хакта ТР Гидрометеорология үзәге хәбәр итә.

Иртән төнге сәгатьләрдә төшкән томан сакланачак, юлларның аерым урыннарында бозлавык барлыкка килергә мөмкин. Көндез яңгыр явуы ихтимал.

Көнбатыш һәм көньяк-көнбатыштан искән җилнең тизлеге секундына 6-11 метр, урыны белән 14 метрга кадәр көчәячәк.

Салкынча төннән соң көндез Татарстанда һава температурасы +2...+7 градуска кадәр җылыначак (Казанда – +4...+6 градуска кадәр).