Бүген Татарстанда +30 градуска кадәр эссе була

Скопировать ссылку

Бүген, 21 июльдә, Татарстанда алмашынучан болытлы һава торышы сакланачак. Бу хакта ТР Гидрометеорология үзәге хәбәр итә.

Көндез республиканың көньягында һәм көнчыгышында кыска вакытлы яңгырлар яварга мөмкин.

Көнчыгыш һәм көньяк-көнчыгыш җиленең тизлеге секундына 4-9 метр, кайбер урыннарда 14 метрга кадәр көчәячәк.

Салкын төннән соң көндез һава температурасы +25...+30 градуска кадәр җылыначак (Казанда – +27...+29 градуска кадәр).