Бүген Татарстанда -16 градуска кадәр салкын һәм кар көтелә
Скопировать ссылку
Татарстанда якшәмбе көнне аязучан болытлы һава торышы көтелә. Республиканың Гидрометеорология үзәге хәбәр иткәнчә, бераз кар яварга мөмкин.
Төньяк-көнбатыштан искән җилнең тизлеге секундына 5-10 метр фаразлана, юлларда бозлавык хасил була.
Төнлә термометр баганалары -7дән -12 градуска кадәр төшәчәк, урыны белән -16 градуска кадәр суыта. Көндез температура -2дән -7 градуска кадәр тәшкил итә.