Бүген Татарстанда –14 градуска кадәр салкын булуы һәм бераз кар көтелә
Скопировать ссылку
15 декабрьдә Татарстанда һава торышы болытлы булачак, шулай ук кар явуы көтелә. Кайбер урыннарда буран чыгарга, юлларда бозлавык булырга мөмкин.
Җил төньяк-көнбатыштан исә, аның тизлеге секундына 9–14 метр тәшкил итәчәк. Кайбер урыннарда җилнең тизлеге 15–20 метрга кадәр көчәергә мөмкин.
Көндез һава температурасы -9 дан -14 градуска кадәр салкын булачак.