Бүген республикада +33 градуска кадәр эссе булачак
Скопировать ссылку
Бүген республикада +33 градуска кадәр, шулай ук яшен һәм яңгыр көтелә. Якын көннәрдә Татарстан территориясендә тотрыксыз һава торышы көтелә, дип хәбәр итә ТР Гидрометүзәге.
Ял көннәрендә, 1 һәм 2 июльдә, кыска вакытлы яңгырлар, яшен һәм көчле җил булырга мөмкин. Төнге сәгатьләрдә 1 июльдә 13-18 градус, 2 июльдә 11-16 градус көтелә.
Атна башында явым-төшемнәр кимиячәк. 3 июльдә урыннарда кыска вакытлы яңгырлар була. 4 июнь көнне явым-төшем көтелми. Көндез һава 25-30 градуска кадәр җылыначак.