Бүген республика территориясендә яңгыр явачак
Скопировать ссылку
Җомга, 8 августта, Татарстанда яңгырлар, көндез һәм кичен – коеп яуган яңгырлар, ә кайбер районнарда яшен һәм хәтта боз явуы көтелә. ТР Гидрометеорология үзәге фаразыннан күренгәнчә, иртән урыны белән томан булырга мөмкин.
Бу көнне җил көнбатыштан, секундына 6-11 метр тизлек белән төньяк-көнбатыштан булыр дип фаразлана, әмма урыны белән тизлеге секундына 14 метрга кадәр җитәргә мөмкин, яшен вакытында секундына – 15-20 метрга кадәр.
Республикада көндез иң югары температура +22..+27 градус булачак.