Бүген Казанда «Хәрәкәттә – бәрәкәт» проектының яңа сезоны старт ала
Скопировать ссылку
Бүген Казанда Кабан күле яр буенда 18:00 сәгатьтә «Хәрәкәттә – бәрәкәт» проектының яңа сезоны старт ала.
«Кичке чараларда катнашучылар татар бию хәрәкәтләрен өйрәнеп кенә калмыйча, татар халык уеннары, музыка уен кораллары белән дә таныша алачак. Программа перформанс белән башланып, төрле интерактивлар, биюләр белән дәвам итәчәк», дип хәбәр итә Казан шәһәре башкарма комитетының матбугат үзәге.
Оештыручылар иң актив катнашучыларга һәр чара саен истәлекле бүләкләр дә тапшырылачагын вәгъдә итә.