Бүген Казанда Сергей Цивилев катнашында «ЭНЕРГОПРОМ» форумы старт ала
Скопировать ссылку
Бүген «Казан ЭКСПО»да Татарстан халыкара энергетика форумы – «ЭНЕРГОПРОМ» старт ала. Вакыйга 2нче апрельдән 4нче апрельгә кадәр дәвам итәчәк.
«Казан ЭКСПО»да форум көннәрендә «KazanEnergyExpo» махсуслаштырылган Энергетика күргәзмәсе оештырылачак. Россиянең энергетика министры Сергей Цивилев һәм Татарстан Рәисе Рөстәм Миңнеханов пленар утырышта катнашачаклар һәм күргәзмәне карарлар дип көтелә.
Билгеләнгән тема - «Яңа энергетика технологияләре һәм технологик лидерлык: тенденцияләр һәм чакырулар».
Форумның беренче көнендә шулай ук БДБ Электр энергетикасы советы утырышы планлаштырылган. Форумда БДБ илләреннән, шул исәптән Белоруссиядән, Үзбәкстаннан, Казахстаннан, Таҗикстаннан энергетика министрлары көтелә.