Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Бүген «Калейдоскоп» балалар паркында «Татарстанда җәй» бәйрәме узачак
Бүген, 11нче июльдә, Казанның Идел буе районындагы «Калейдоскоп» балалар паркында «Татарстанда җәй» бәйрәме узачак. Бәйрәм кунаклары өчен мастер-класслар, ишегалды уеннары һәм концерт программасы әзерләнде. Бу хакта Казан мэриясенең матбугат хезмәте хәбәр итә.
Балалар паркы территориясендә казанлылар иҗади мастер-классларда, мини футбол буенча чемпионатта һәм ишегалды уеннарында катнаша ала. Паркта шулай ук «Игелекле Казан» АКбОдан хәйрия ярминкәсе һәм «Яшәү яме» проектыннан «Казаночка» тегү клубы эшләячәк.
Концерт программасы кысаларында кунаклар өчен Миләүшә Тәминдарованың Дәүләт камера хоры, Татарстанның атказанган артисты Марина Карпова, Татарстанның атказанган артисты Рөстәм Насыйбуллин, шулай ук Вахитов һәм Идел буе районнарының иҗат коллективлары чыгыш ясаячак.
Барлык теләүчеләрне «Калейдоскоп» балалар паркына 16:30 сәгатькә чакыралар. Керү ирекле.
Кызыклы яңалыкларны күзәтеп бару өчен Телеграм-каналга язылыгыз