Хәвеф-хәтәр 17 апрель 2018 04:00

Буалы мошенникларга 21 мең сум акча күчергән

Мошенниклар өченче тапкырга акча сорыйлар, бу юлы да ир-егет “кредит бирүчеләрнең“ теләген үти.

Скопировать ссылку

(Буа, 17 апрель, "Татар-информ", "Байрак"). Буа район эчке эшләр бүлегеннән алынган мәгълүматларга караганда, буалы ир-егет компьютер аша кредит алмакчы була. Ул интернет челтәрендә бер банкка заявка калдыра, дип яза җирле басма.

Озакламый аңа кредит бирергә ризалык биреп шалтыраталар. Элемтәгә чыгучы кредит акчасын бирер алдыннан иминиятләштерү өчен 7 мең акча күчерергә куша. Буалы үзенең банк карточкасыннан акча күчерә. Тик мошенниклар гомерне иминиятләштерергә кирәк, дип тагын 10 мең сумнан күбрәк акча сорыйлар. Ир-ат бу юлы да сораган сумманы кешедән бурычка алып торып булса да күчерә. Бераздан мошенниклар өченче тапкырга акча сорыйлар, бу юлы да ул “кредит бирүчеләрнең“ теләген үти. Кыскасы, 21 мең сумнан күбрәк акча күчерә ир-ат кырыгалдарларга. Аннан кредит бирүчеләр юкка чыгалар. Шуннан соң гына ир-ат үзенең алданганын аңлый.

#Буа #Байрак

Сәхифәләр

Буалы мошенникларга 21 мең сум акча күчергән